Philippines

Nang maglayas si Sheena ay kinalinga siya ng mag-asawang Gener at Perlas. Sa pag-ampon sa kanya ng dalawa ay doon niya naramdaman ang pagkalinga at pagmamahal na hindi niya naramdaman sa kanyang tunay na ina. Ngunit habang tumatagal siya sa bahay ng mga umampon sa kanya ay unti-unti rin siyang nakakaramdam ng kakaiba sa mag-asawa. Parang napakaraming lihim ng bawat sulok ng bahay ng mga ito. Mga lihim na bubuhay sa kuryusidad niya para alamin kung sino nga ba talaga sina Gener at Perlas. Ngunit paano kung matuklasan na niya ang maitim na sikreto ng mag-asawa? Ipipikit na lang ba niya ang kanyang mga mata at magbubulag-bulagan sa ngalan ng magandang buhay na ipinangako ng mga ito sa kanya? 